Советон Цæдисы 2 хатты инæлар Плиты Иссæйы райгуырдыл абон æххæст кæны 117 азы

Зындгонд æфсæддон разамонæг, инæлар Плиты Иссæйы номыл музейы абон ацыд кадджын мадзал. Сбастой йæ нæ зындгонд æмзæххоны райгуырæн бонимæ. Мадзалы рæстæг сæххæст кодтой æппæт санитарон домæнтæ. Цымыдисаг экспонаттыл афæлгæст нæ уацхæссæг. Бакæсæм уы æрмæг бацæттæ кодта, уымæ. Плиты Иссæйы номыл музейы ис 3 сæдæ экспонатæй фылдæр. Музейы къæсæрæй бахизгæйæ адæймагæн алцыдæр вæййы цымыдисаг. Советон Цæдисы 2 хатты хъæбатыры хи дзаумæттæ фенын у алкæй бон дæр. Зæгъæм, мæнæ ацы стъол æмæ бандæттæ инæлар Плиты Иссæ сласта Германийæ, фашизмыл куы фæтых сты, уæд. Музей, зæгъæн ис, æмæ рахызт нымæцон хуызмæ. Чырæ телефоны мобилон уæлæфтуан «Артефакт»-ы фæрцы ныр музейы тыххæй базонæн ис фылдæр информаци. Бар дары 44 экспонатмæ. Советон Цæдисы 2 хатты æмæ Монголийы республикæйы хъæбатыр, инæлар Плиты Иссæйы райгуырдыл абон æххæст кæны 117 азы. Ацы бон музейы саразынц концерттæ, фæлæ ныр, эпидемиологон уавæр хынцгæйæ, студенттæн сарæзтой æрмæстдæр лекци. Плиты Иссæ йæ хъæбатырдзинады тыххæй бирæ хæрзиуджытæй хорзæхгонд æрцыдис. Се ’хсæн Ленины 6 ордены, Сырх Тырысайы 3 ордены, Суворовы 1-аг къæпхæны 2 ордены, Кутузовы 1-аг къæпхæны орден. Уыдис ма йæм бирæ майдантæ æмæ фæсарæйнаг ордентæ. Ирыстон кæддæриддæр сæрыстыр уыдзæн ахæм кадджын æфсæддонæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv