Хæххон-металлургон техникумы байгом æрмадз

Хæххон-металлургон техникумы байгом æрмадз. Студентты бон дзы у практикæйы хуызы сæ зонындзинæдтæ ныффидар кæнын. Проект Цæгат Ирыстоны ахуыргæнæндоны æххæст кæнынц фыццаг хатт. Æрмадзы руаджы цалцæггæнæн куыстытыл хæрдзтæ фæкъаддæр уыдзысты. Фидæнмæ дæр ма æрмадзы бирæ пълæнттæ ис. Машина-ширмер, зæгъгæ, кусы куыд дарæскæрдæг. Хуызæгмæ гæсгæ алыг кæны хъæугæ дæргъ. Кусæг та, пластикæй цы сцæттæ кæны, уый бавæры сæрмагонд æвæрæны. Уый фæстæ сæ тæрх баиу кæны шуруптæй. Ныридæгæн ахæм куыст кæнын райдыдтой Дзæуджыхъæуы хæххон-металлургон техникумы дæр. Архайынц дзы студенттæ. Æгъуызарты Тимур уыдонæй у сæ иу. Цæмæй техникумы кусын райдайа, уый тыххæй ацыд конкурсон æвзæрстытæ. Студенттæ ныр кусынц 2 мæйы бæрц. Уыцы рæстæгмæ базыдтой куыстæн йæ бирæ сусæгдзинæдтæ. Ахуыр та сæ кæнынц фæлтæрдджын ахуыргæнджытæ. Сæ куыстæй сын разы сты. Техникумы директор Бирæгъты Давид куыд бафиппайдта, афтæмæй цех кусын куы райдыдта, уæдæй нырмæ студенттæн фæзынд ног куыстыæ бынæттæ. Уымæй уæлдай ма, практикон ахуыртæ дæр. Зæгъын хъæуы уый дæр, æмæ студенттæ техникумы дуæрттæ æмæ рудзгуытæ ивынц сæхæдæг. Ацы фæндимæ сразы сты республикæйы ахуырад æмæ наукæйы министрады дæр. Министры хæдивæг Алыккаты Алан йæ цмст дары куыстмæ. Куыд фæнысан кодта, æмæй ацы цехы фæрцы фадат ис бирæ пълæнттæ сæххæст кæнын. Фæстæдæр ма сæ фæндты ис цех фестырдæр кæнын. Ныридæгæн ам архайынц пластикон æмæ авгæй рудзгуытæ аразыныл. Уый фæстæ бавналдзысты алюмин рудзгуытæ кæнынмæ дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv