Цæгат Ирыстоны бæрæг кæнынц æхсæнадон транспорты куыст

Дзæуджыхъæуы дарддæр цæуынц профилактикон рейдтæ. Промышленность æмæ транспорты министрад, транспортмæ цæстдарды федералон службæ æмæ паддзахадон автоинспекцийы кусджытæ бæрæг кæнынц æхсæнадон транспорты куыст. Кæсынц хæдтулгæтæн сæ техникон уавæрмæ дæр. Уыимæ ма, се 'ргом здахынц, шофыртæ маскæтæ дарыны фæтк куыд æххæст кæнынц, уымæ.  Сабырдзинады проспект æмæ Кировы номыл уынг кæм баиу вæййынц, уыцы бынаты кæддæриддæр вæййы бирæ адæм. Йæ рæзты цæуы æхсæнадон транспорты 16 маршруты. Се 'ппæт дæр кусынц бæлвырд фæткмæ гæсгæ. Арæхдæр бæлццæтты бирæ рæстæг лæууын нæ бахъæуы. Горæты цæрджытæ куыд зæгъынц, афтæмæй кæцыдæр маршруттæм хатгай фæлæууынц 30 минуты онг. Уæлдайдæр фæлладуадзæн бонты. Æхсæнадон транспорт йæ куысты фæтк куыд æххæст кæны, уый сбæлвырд кæнынмæ бынатмæ рацыдысты промышленность æмæ транспорты министрад, транспортмæ цæстдарды федералон службæ æмæ паддзахадон автоинспекцийы специалисттæ. Бæрæг кæнынц рæстæгæй цæсæй-цасмæ цæуынц, уый. Ведомствæты специалисттæ кæсынц, æхсæнадон транспорты шофыртæ маскæтæ дарыны фæтк куыд æххæст кæнынц, уымæ. Уыимæ ма, бæрæг кæнынц лицензион домæнтæн сæ куыст дзуапп дæтты, æви нæ. Алы бон дæр куыстмæ рацæуыны агъоммæ шофыр хъуамæ ацæуы медицинон æркаст. Йæ траспорты техникон уавæрмæ та хъуамæ æркæса специалист. Уый фæстæ æмбæлгæ бæрæггæнæн сæвæра гæххæтыты. Рейды фæстæ специалисттæ сараздзысты акттæ æмæ протоколтæ. Æхсæнадон транспорты куыст дарддæр дæр бæрæг кæндзысты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv