Хуссар æфсæддон зылды авиацион къорд архайдзæн Дзæуджыхъæуы Уæлахизы парады

Хуссар æфсæддон зылды авиацион къорд архайдзæн Дзæуджыхъæуы, Фыдыбæстæйы Стыр Хæсты Уæлахизы боны 75 азы кадæн цы парад сараздзысты, уым. Цæудзæн 24-æм июны, райсомы 10 сахатыл. Æдыппæтæй уæлдæфон хайы бацархайдзысты авиацийы техникæйы 6 иуæджы - хъазуатон вертолеттæ Ми-28-æм, транспортон-хæстон Ми-35-æм æмæ ма транспортон-бырсæн вертолеттæ дæр. Тæхджытæ ныртæккæ Мæздæджы аэродромы аразынц сæрмагонд ахуыртæ. Парады генералон репетици уыдзæн 20 июны. Кадджын мадзæлттæм снысан кодтой санитарон-эпидемиологон фæткæвæрд. Цы бынаты цæуынц тренировкæтæ, уыдон æппынæдзух кæнынц дезинфекци. Парады чи архайдзæн, уыдонмæ сæ цæст дарынц дохтыртæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv