Цæгат Ирыстоны прокурорты ацы азы фыццаг хайы куыстæн хатдзæгтæ скодтой

Цæгат Ирыстоны прокурорты ацы азы фыццаг хайы куыстæн хатдзæгтæ скодтой. Уый фæдыл ацыд коллегийы æмбырд. Йæ разныхасæй йæ байгом кодта нæ республкиæйы прокурор Александр Морозов. Уый радзырдта, республикæйы барад хъахъхъæд куыд цæуы æмæ закъонтæ куыд æххæст кæнынц, уый. Куыд бафиппайдта, афтæмæй прокурорты цæстдард хорзырдæм ахады хъуыддæгтыл. Цæстдарæн бартæ æххæстгæнгæйæ, прокурортæ рабæрæг кодтой 16 мин æмæ 9 сæдæ федералон закъонхæлды. Уыдон айсыны тыххæй бахастой прокуророн æркастыты 7 мин актæй фылдæр. 2 мин æмæ 5 сæдæ адæймагæй фылдæр дзуапп дæтдзысты административон æмæ дисциплинарон æгъдауæй. Закъон халыны бар кæй нæй, уый тыххæй карз фæдзæхстытæ райстой 654 адæймаджы. Иумæйаг цæстдарæн басгæрстыты хатдзæгтæм гæсгæ байгом кодтой 63 уголовон хъуыддаджы. Мызды тыххæй хæстæ бафыстой 21 милуан сомы, бакуыстой цæрджыты 3 мин курдиатыл. Нæ республикæйы прокуратурæйы фæндмæ гæсгæ, хицауад бынæттой хиуынафæйадимæ иумæ бафыстой 550 нормативон-барадон акты. Æмбырды куыд бафиппайдтой, афтæмæй республикæйæн æппæты ахсджиагдæр сты ахæм фарстатæ: кæлæццаг хæдзæртты цæрджытæн ног бынæттæ рахай кæнын æмæ бирæфатерон хæдзæртты бындурон цалцæг. Æмбырды кæрон æрныхас кодтой сæ фидæны пълæнттыл. Снысан кодтой сæйргадæр домæнтæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv