Вице-премьер Азымты Иринæ амыдта цæттæгæнæн комитет «Победа»-йы амбырд

Хæсты ветеранты социалон хъахъхъæд æмæ фæсивæды патриотон хъомыладыл æрдзырдтой цæттæгæнæн комитет «Победа»-йы. Ивгъуыд аз Битарты Вячеславы уынаффæмæ гæсгæ Уæлахизы юбилеймæ ветерантæ райстой 25 мин сомы алчидæр. Æдæппæтæй фиддонты бæрц уыд 6,5 милуан сомы. Юбилейон азы ма конд æрцыд бирæ патриотон мадзæлттæ дæр. Се 'хсæн «Блокадный хлеб» æмæ «Сад памяти», зæгъгæ, æппæтуæрæсеон акцитæ. Ныссагътой 79 бæласы талайы. Цæгат Ирыстонæй рацæугæ Фыдыбæстæйы Стыр хæсты Советон Цæдисы хъæбатыртæ дæр уыдысты 79. Дарддæр æрдзон æвæрæнтæ æмæ экологийы министрад, бархионтимæ иумæ ныссагътой 90 мин талайæ фылдæр. Ахæм хуызы фæнысан кодтой республикæйы цæрджытæй фронтмæ чи ацыд, уыдоны нæмттæ. Уымæй уæлдай ма ацыд акци «Поем двором». Æмбырды ма æрдзырдтой Уæлахизы 76 азмæ цæттæ кæнæн мадзæлттыл. Азымты Иринæ бабар кодта дзуапдæттæг органтæн бæрæггонд рæстæгмæ сæ хъуыдытæ зæгъын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv