Цæгат Ирыстоны дарддæр цæуы вакцинаци

Адæмæй бирæтæ вакцинацийы ахадиндзинадыл цæуылнæ æууæндынц? Цæрджыты хъуыды у алыхуызон. Иутæ прививкæ скодтой æмæ сæ зонгæтæн дæр дзурынц, пайда кæй у. Иннæтæ цæхгæр ныллæууыдысты, дызæрдыг кæнынц. Фæлæ цы аххосæгты тыххæй, уый сæхæдæг дæр бæлвырд нæ зонынц. Уæрæсейы бирæ регионты вакцинаци æнæмæнг снысан кодтой хицæн къордтæн. Се 'хсæн лæггæдты, ахуырады, базарады къабæзты æмæ паддзахадон службæйы кусджытæ. Цæгат Ирыстоны ныридæгæн прививкæ скæнын у барвæндон хъуыддаг. Алагиры районы коронавирусы ныхмæ прививкæтæ кæнын райдыдтой январы. Уæдæй нырмæ йæ фыццаг хай скодтой 4 350 цæрæгæн, дыккаг хай чи райста уыдон та сты 3 316 адæймаджы. Æмæ кæд вакцинаци чи ацыд, уыдоны нымæц фæстаг рæстæг зынгæ фæфылдæр, уæддæр ис, дызæрдыг чи кæны, ахæмтæ дæр. Алагиры районы цæрджытæ та цы зæрдæ дарынц ацы хъуыддагмæ, уымæй сæ бафарстам. Уæдмæ та уал коронавирусæй рынчынты нымæц бонæй-бонмæ фылдæр кæны. Пандемийæйы 3-æм уылæн йæ тыхы бацыд. Хи бахъахъхъæнынæн — прививкæ у йæ иунæг хос. У барвæндон хъуыддаг. Специалисттæ ма иу-хатт сидынц республикæйы цæрджытæм, санитарон-эпидемиологон домæнтæ æнæмæнг æххæст кæнын кæй хъæуы, уый. Дзæдзойты Фатимæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv