chkimi gur ort bum bum
https://youtube.com/shorts/t8XD8lIGpdI
თაქ ვორექ დო მელე
https://youtube.com/shorts/GWBUxmYcnqw
Аджмакусам создал отдельное видео с козами, а после козы и получения мундира мухаджира плавный переход к апсны невестамвот почему у настоящих абхазов мегрелы были всегда в почете и уважении к традициям.
https://youtube.com/shorts/WEC25GUJ6rQ
რი ნა გაში თოისერი მარგალურ
https://youtube.com/shorts/SFtycUNEOwk
ოწონდეშე კირიბ ღვარანც
ზაალ ჯალაღონია
ოწონდეშე კირიბ ღვარანც,
ჯას გალუაფ კინე კიდუ,
ბრელ მუდგარენ ორწყე ფარანც,
ბრელ ნაფულა მუკმორჩქინდუ.
კინ გიორე დიხას ჭყიშო,
ცა მორღე დო მატაროზე,
ლაბახონა ირქენც თიშო,
კინ სკან ბორჯეფც ქეკათხოზე.
დუდ ვეგლეღა დოკინელო,
სკან ნახანდას არძა გარე,
დოწკური-და, დოღურ თელო,
თოლც განჯანქჷნ მუთუნ ვა რე.
მუ გაღოლე ქიანაშა?
გურც გაჸვენუ მოშინელო,
მეწირხელ დო მეზგუმონჯილ,
მეკარკატელ ოშინერო.
გაკეპება ვა რე ჯგირი,
დო ჩიჩიეშ ჯინა ჟიშე,
ვართ ჭკორალა იჸი ირო,
გლახას ჯგირშა ვეგიაჭიშე.
ღორონთ გიწინც დოირსხენი,
ქიგედგუნქო კუჩხის ნოურც?
რინა გაში თოისერი,
ორდ გოთანა მალას მოურც.
ოწონდეშე კირიბ ღვარანც
ზაალ ჯალაღონია
ოწონდეშე კირიბ ღვარანც,
ჯას გალუაფ კინე კიდუ,
ბრელ მუდგარენ ორწყე ფარანც,
ბრელ ნაფულა მუკმორჩქინდუ.
კინ გიორე დიხას ჭყიშო,
ცა მორღე დო მატაროზე,
ლაბახონა ირქენც თიშო,
კინ სკან ბორჯეფც ქეკათხოზე.
დუდ ვეგლეღა დოკინელო,
სკან ნახანდას არძა გარე,
დოწკური-და, დოღურ თელო,
თოლც განჯანქჷნ მუთუნ ვა რე.
მუ გაღოლე ქიანაშა?
გურც გაჸვენუ მოშინელო,
მეწირხელ დო მეზგუმონჯილ,
მეკარკატელ ოშინერო.
გაკეპება ვა რე ჯგირი,
დო ჩიჩიეშ ჯინა ჟიშე,
ვართ ჭკორალა იჸი ირო,
გლახას ჯგირშა ვეგიაჭიშე.
ღორონთ გიწინც დოირსხენი,
ქიგედგუნქო კუჩხის ნოურც?
რინა გაში თოისერი,
ორდ გოთანა მალას მოურც.
მეგრული
https://youtube.com/shorts/gXloVa212fg
ჩქიმი სკვამი ოდაბადე,
ირკოს უჩქუ ცქვაფილო...
არძა შარას მიხვამანსი:
"ქკანი გოლუაფირო"!
შარა-შარას ცხიმურეფი,
ოროს მინმოქუნანა,
-"გოიმორძგვას, გიხარედას",-
მარგალურო თქუანა!
ქიმურქუ დო დიდა კარშა,
ჩილამურეფ რღვაფილო,
ხეგოფაჩილ აწმაზადუ-
"დიდა გოლუაფირო!"..
ცას მიანჭუ "ოდოია",
მურიცხეფიშ ობირე.
სამარგალო, სი თვითონ რექ,
საოროფო მობირე!
ირო გურით გილაპუნქუ,
სკან არკვანში აშნარდი...
სი დიდა რექ, მა სკან სკუა-
დიდაცალო ფხვამანქი!
ქუგუვალე სკან სისკვამეს,
სკან წყარსი დო დკან დიხას!
მა სი მიორქ, ჩქიმ მარდუალ -
ვადმარინე შხვა დიხას...
ირო ჩე დღა გორთანაფდას,
ღორონთიშე ხვამილო!
"სამარგალო, მა სი მიორქ!"
სკანი გოლუაფირო!!!
ია ნანეიშვილი
https://youtube.com/shorts/HAT4Dm-AWCE
მაფშალია
გური ოტობაია
ჩქიმჷ ქიანაში მაფშალია,
შხვაშჷ ქიანაშა ვაფურინა,
გოლვაფირო, უსქანეთუ
გეწკურილი მაფუ რინა.
სქანჷ ოგვაჯეშჷ ხეშქა გური,
ჩილამურით მაფუ ეფშა,
სქანი ართი ბირაშენი
თე შურს ხოლო ღურუს მეფჩა.
საქორთუოშჷ ჩე ქიცა რე
თე გოთანა ხვარჩალია,
შხვაშჷ ქიანაშა ვაფურინა,
ჩქიმჷ ქიანაში მაფშალია.
გონწყი ფსუა დო კისერი
თუთაშჷ ფერი ქჷმოძირი,
არძა ჩქიმდა, არძა ჩქიმდა,
სქანჷ ჭუა დო სქანი ჭირი.
უღურჭულე წკონდა ღალეფს,
წვირალ თხუმ დო მაბჟალიას,
შხვაშჷ ქიანაშა ვაფურინა,
ჩქიმჷ ქიანაში მაფშალია.
https://youtube.com/shorts/gUz9EXPEDz4
მი გეგონენც ძიცას, ცა ვეძიცანც, ცა რენ
https://youtube.com/shorts/aIImP7eGKCU
ღორონთ ართიანს ვეგლასოფა აფხაზეთ დო სამარგალო
https://youtube.com/shorts/ThLcPfUmZQw
აფხაზეთი დო სამარგალო
ოთარ აძიმბაია
ენგურიშე ჩქიმ ჸუდეშ ჯინაქ
გური დომიხაშუ გვალო,
ირო ართო იშინუაფუდ
აფხაზეთი დო სამარგალო.
აფხაზეფ დო მარგალეფი,
ბრელი ვორდით ძიძესქუა,
ღორონთქ ვაგგაჭყორანი დო
რუსი ჩქინდა ვესხუნუათ.
ართი დიდაშ ძუძუს ბწუნდით,
ირ ქიანას უჩქუ თენა,
დიდაშ ძუძუშ ღალატისი
ღორონთ ვამაპატიენა.
ზისხირქ დოწუნ მობაღუნა,
ჭყვადილ პუნა გვალო ბრელი,
დუდი გეშიბკურცხინუათ,
რუს რე ჩქინი საერთო მტერი.
გომნწყათი დო გევოდგინათ
ინგურიშ ხინჯ საჯიმალო,
ღორონთ, ართიანს ვეგლასოფა
აფხაზეთ დო სამარგალო.
საჸოროფო
ისაკი ქარდავა
ტანი ოსარსალაია,
კისერი ვარჩხილიში ფერი,
თოლი ორგიალაია,
ჩხეშა ფართო, ჭიფე წელი.
წარბეფი გინოზინდილი გაფუ,
მაგნიტიში გიღუ ტანი,
დინოჯინა მოკო ირო
საჸოროფო ცირა სქვამი.
გოსაშინე ბრელი მიღუ,
მუნაფილი დღას ვარდია,
შორშე გურც მიტიბუა,
ბარჩხალია, კვარკვანტია.
https://youtube.com/shorts/Or_spUjfUFk
შურ თაკილენც
ზაალ ჯალაღონია
შურ თაკილენც, ვა ჩენდ,
ულა ოკო, – სქემე!
ცას მუკობუ ჭვემა,
მარა ვა გოჭვემე.
ჩე მუნაფაშ ხურხის,
ჩქიმ ლერს ქიმკორდელე.
არძას ვორწყექ მუხურც,
თაქ ვორექ დო მელე.
აკორუმელ დიხას,
გილაგორუნც ჩვერე.
არძა ალა-კვალა,
მინ ჸუნგა დო ჸვერე.
მეტყურეფიშ ხანდათ
კინე აკიკათეს.
ემირღვანა ღანდას,
ოლაფარეშ კართეს.
მუთუნც ვა უღ შინა,
დღა გიმანთხუ ქირო.
ოშშა გუნარჩქინა,
ართშა ვეპიქ ჯგირო.
ანაქია ურქენც,
თოლ ინონჭაფ გალენც.
გამწას ორღვანც ფურცელც,
თევრენცჷ დო თავრენც.
ზისხერქ ქაკათ ბირცხას,
კონწარ მივოღვარენ.
მი გეგონენც ძიცას,
ცა ვეძიცანც, ცა რენ.
ვაკომირღვა ჸუდე,
დუც მიკორდვა ლუბას.
ათაქ მიღუ ყურდგი,
ჩქიმი აკნახუბა.
თე შქორია ჯალეფც,
უნარუა წორო.
გოკონ მომიჩალან,
იშენ მიჸორც ორო.
სერიშ მუმას ვართუქ,
დღალეფც თევრეთ ბძირუნქ,
დო ცაშ პეულ შქართუნც
ჰამას ქაშემნჯირუქ.
შურ თაკილენც, ვა ჩენდ,
ულა ოკო, – სქემე!
ცას მუკობუ ჭვემა
მარა ვა გოჭვემე.
https://youtube.com/shorts/SJNJYEUmYMM
მარგალ ვორექ მანგარ ვორექ
https://youtube.com/shorts/mASWRkcPf7A
megruli
მარგალ ვორექ, მანგარ ვორექ...
მურმან წოწორია
მარგალ ვორექ, მანგარ ვორექ...
ცაშა მემიჭოფუ სუა
აიეტიშ ჯიშიშ ვორექ,
საქორთუოშ ხვითო სქუა.
არამხუტუშ მოთა ვორექ,
ამირანიშ ძიძესქუა.
- - - - - -
ხვამა
კოტე ნაჭყებია
გომტიბინე, ღორონთი
სქან სინთელე ოროთ,
მარდიქ ვემიკორდას
ჭკვერსუთუ დო ბოროს.
ჰამას ქუდომრინე,
გემჩილითე კოლოს,
სქან კირიბო გინმოშქვი,
მოდიარე დოლოს,
შური ქუდომკირი
სქან ორანიში ხოლოს.
ჩხანა გემირზინე
ვერე სერიშ ბოლოს!
ათაშ იბჭყა ჩქიმ საქვარს, ჩქიმ ზიტყვას, რაგადის,
შურუბუმო გეპყურშუქ გოხვამილი მარგალ თის,
ჩქიმი განთხეფით მებხარ მენწყერი დო მანგარ თირს,
ვებტყვაცუქუ, ვებგურგინუქ, ვენწუმიჭყა რაბადის,
სადღამუშოთ თაში იბქუ ვემშაძ ყაზაყალა რტინს.
მარგალ ვორექ, ჩქიჩქ პიჯამი,
ათომირჩ კოლხიში ნერჩი,
ჭყონშა კინე მიკომკირ
ორქოთ გოსილონგირი ერჯი.
იჭარუნსუ პიჯიში ჯვარს გოსანთელერი კითეფი,
ღეჟელანა მარგალონაში მითეფი,
ტყაშ მაფაში აrიკი მა ათაში მითებუ:
"არიკი, არიკი, კურთამია,
ჭკიდი ჭკომი ტუტამია,
ღვინი შვი შურამია,
ჯიკის ქურსი ქოტვარია.“
მობაღუნა, მეტ ვარია.
- - - - - -
ჩქიმი ოდა მოსიზმარ
ვალერიან ვეკუა
ბრელი ფთვალი,
ბრელ იმნგარი,
მარგალ ვორექ,
სოხუმარი...
ოდაბადე
მიდაღალირს,
ჩქიმი ოდა
მოსიზმარ...
სო იბკითხა,
ათე ჭარა,
ღორონთქ მუშენ
გემოჭარ...
ჟიროშ წანა
რუს მორკინუ,
ხეს უკინებ
ქრისტეშ ჯვარჲ...
Gali, Ochamchire, Sokhumi, Gagra, Gudauta, Psou
https://youtube.com/shorts/TBe8XgoxKjM
ავრე დაჩხირ ეთაგვარგვაზ ევრე წყარმალ მიორე
https://youtube.com/shorts/Q2OGSaA_FGw
ჩენჯა ჩენჯას ქუგოლუაფ
https://youtube.com/shorts/Hmdp6qcwfT4
ჩენჯა
ივეტა წითაშვილი
ჩენჯას ეშე ეზგუმონჭილს
ეწაფაფუ ნოჸელეფ,
მეახალუ გურიშ ჭუაქ,
ნარღებაშე წაურთ ფერქ,
ავრე დაჩხირ ეთაგვარგვაზ,
ევრე წყარმალ მიორე,
ჩილათირ დღალეფს ეკანგარს,
უფაფუანს ნოჸელეფს,
გოხოლუას მითინს ვარწყე,
ელმარინეს, მოხვარეს,
არძო მუშის იწკუმონტუ,
არძო მუშის უჯინე,
ელაფარკალ ჭველა ჭველას,
იფინდიხნა ჭანდარეფ,
ღირთანს ჭარკანტ აკვარჩხილი,
ქიანას ნწყუნს სოდგარენ,
თაში ჸოფე ჭარაშ წისქვილ,
მუშის მექუნს დღაშ დო სერს,
ქუმწუფართხაფ ჩენჯას ჭუა
მუსვანჯუაფ ნოჸელეფ,
გუნწყუმ გურს სკვილ, კვარკვაზელ დო
თეზმა ხანიშ ნანარღეფ,
ჩენჯა ჩენჯას ქუგოლუაფ
კარკაცანდეს ნოჸელეფ.
იდი სკანი შარათია
https://youtube.com/shorts/VNUZMG0cc_0
ალასია-მალასია
ივეტა წითაშვილი
ალასია-მალასია,
ნარაგად რე ათაშია, _
თასილქ ოკო ფალასია,
ხუმაფა შორ გვალასია,
მურიცხეფი რანწკასია
სერს აწუხე კართასია,
გოთანაშა არძასია
თოლ უნჯანა ფართასია,
ალასია-მალასია,
ჭანდარს გოთხოზ ჭარკანტია,
კინჩხის გასკუ კვარჩხასია,
წვანდშა ოკო ანჭასია.
ალასია-მალასია,
მაჭარ ვეცად ლაგვანსია,
იკილოთუ ნჭყაფასია,
მოჭყუდ მეჸუნს დადასია.
ალასია-მალასია,
შვანდა ოკო ხანდასია,
გურ მისოფუ ფარჩხასია,
უკირ ჭიფე ბაწარსია.
მუ რექ თეფერ ფარსაგია,
ფირქ ვამცადუ მანგასია,
ნარაგად რე ათაშია,
ულირს დორთა ვახვარსია.
ალასია-მალასია,
ვემკაბუნა კვაღასია,
მაჭარ მეფუნს ლაგვანსია,
ფურცელს ორღვანს ჭანდარია,
ჭარკანტ მიბირს გვალასია,
ვაურჩქილა არძასია,
იდი სკანი შარათია,
ზუკოლ მუდგა ვარდასია.
ალასია-მალასია,
თასილქ ოკო ფალასია…
ეფშა მაფუ
ეფშა მაფუ ნარღიშ ბაღუ,
თე უმოღე რინაშ მენდო,
ნარღიქ გური დომიდღვაბუ,
მჭიმა მოურც ამკელენდო.
მუს გოხვარჷ თეზმა ღვანა,
უძენძუანს ჰავა ბუტკას,
მარეხეთჷ ეკმორღვანა,
თე ორინჯე კულე-კუნტა.
ილიებჷ რინაშ შარა,
ოწონდეს ჩქუ შურიშ ტები,
ბრელც უგამენს ანწი თარა,
ბრელცჷ გარცვუ შხურიშ ტყები.
გიორგი ხულორდავა
https://youtube.com/shorts/NbQnwPQiSKk
ასე ჩონგური
ასე ჩონგური ქოვთქუათუ ნა
სკან დო ჩქიმი გაჭირება ნა,
ოუ ნანა, დიდავოი ნანა, დიდავოი ნანა
ჩონგურ სიმუ შეგილებუ, ნა.
ვეგიგანდვე განჩინება, ნა.
ოუ ნანა, დიდავოი ნანა, დიდავოი ნანა
უბედური ჩქიმი დუსუ, ნა.
ირფელ ჭუა ჩქიმდა მურსუ, ნა.
ოუ ნანა, დიდავოი ნანა, დიდავოი ნანა
https://youtube.com/shorts/Y0h9Sm3-EJo
თინა მისხუნ ხვალე ვორდე
https://youtube.com/shorts/z_DTRG2r2aM