Ирхи вулавсен пуххи_001_Çĕнĕ çул тĕллевĕ

«Эсир хăвăра хăвăр сăнаса пăхăр – ĕненетĕр-и эсир? хăвăра хăвăр тĕрĕслĕр.» Павел апостолăн Коринф çыннисене янă иккĕмĕш çырăвĕ 13:5. Акă çĕнĕ çул пуçланчĕ те. Хамăртан хамăр ак çапла ыйтар: иртнĕ çулта мĕн-мĕн пулнă? Хальхи самантри ĕçсем е киленӳсем пире хамăрăн чун-чĕрене, хамăрăн шухăш-туйăма тĕплĕн те тимлĕн тишкерсе илме, тĕрĕслесе илме ан чăрмантарччăр! Ĕмĕрлĕх пурнăç çинчен шухăшлар! Иртнĕ çулта эпир Турă тăвас çĕнĕ çĕр çинче пурăнмашкăн хатĕрленсе пытăмăр-и? Е пачах урăхла: хатĕрленесси пирки мансах та кайрăмăр-и?