Кăшăллă вирус çав-çавах калаçтарать-ха. Чирлекенсем хушшинче ачасем те чылай пулнăран çирĕп йышăну тума хистерĕ. Шупашкарти тата Çĕнĕ Шупашкарти шкул ачисем виçĕ эрне инçет мелпе вĕренчĕç. Республикăри хăш-пĕр муниципалитетсем те чару йĕркелерĕç. Ачасем хушшинче чирлесси чаксан, нарăс уйăхĕн 14-мĕшĕнчен пуçласа ачасем тинех шкула çӳреме пуçларĕç, анчах та пурте мар. 5-мĕш класран пуçласа 8-мĕш классенче вĕренекенсемпе студентсене инçет мелпе вĕрентме йышăнчĕç. Асăннă классенчи вĕренĕве дистанци мелĕпе куçарассине тепĕр эрне тăсрĕç. Кун пирки правительство çуртĕнче иртнĕ оперативлă штабра пĕлтерчĕç.