Çĕнĕ Шупашкарти 14-мĕш тата 12-мĕш шкулсенчи апатлану тытăмĕ Интернет уçлăхĕнчи чылай çынна калаçтарать. Сăлтавĕ – сăн ӳкерчĕкре кăтартнă пĕчĕк порци салат тата шĕвĕ яшка. Хыпара саракансем ачасене пĕлÿ çурчĕсенче сахал тата тутлă мар çитереççĕ тесе палăртаççĕ. Çивĕч ыйту тĕрĕсех-и е сăмах-юмах янипе çыхăннă? Пирĕн пултарулăх ушкăнĕ те апатлану йĕркипе тата унăн пахалăхĕпе паллашас тĕллевпе Çĕнĕ Шупашкарти шкулсене çитрĕ.