Амма поэта Семён Капитонов 75 сааһыгар аналлаах ырыа дьоро түһүлгэтэ
Кэрэ, нарын хоһооннордоох Амма поэта Семён Спиридонович Капитонов 75 сааһыгар аналлаах ырыа дьоро күнүгэр Амма, Уус-Алдан, Чурапчы, Мэҥэ-Хаҥалас, Орто Халыма улуустарыттан ырыа айааччылар Соморсун нэһилиэгэр Баһылай Харысхал аатынан норуот айымньытын сырдык уораҕайыгар өрөспүүбүлүкэтээҕи күөн күрэскэ түмүстүлэр. Семён Капитонов диэтилэр да харахпар Аммабыт хатыҥ чараҥнара, сардаана кэрэ сибэккитэ көстөн кэлэллэр. Амманы кини курдук истиҥ иэйиилээхтик хоһооҥҥо хоһуйбут, ырыаҕа ыллаппыт ким да суох. Саха норуодунай суруйааччыта Дмитрий Наумов эппитин курдук, Амманы таптыыр дьон баарын тухары Сэмэн хоһоонноро тыыннаахтар. Чахчыта да оннук. Биһиги, аммалар, дьолбутугар төрөөбүт улуу бэйиэппит диэн киэн туттан этэбит. Аҥардас Амма хатыҥ чараҥнарын, сардаана кэрэ сибэккитин туһунан хайдахтаах курдук улуу уобарастары, сүдү тэҥнэбиллэри айбытай? Ол да иһин доҕоро, биир дойдулааҕа Василий Федоров бэйиэт "Аналым — Кыыс Амма" диэн аан маҥнайгы кинигэтэ 1991 сыллаахха сүрэхтэнэр дьоро күнүгэр Семён Капитонов нарын лирикатын сөҕөн, махтайан ”Саха Есенина” диэн үрдүктүк ааттыа дуо? Оттон саха норуодунай поэта Петр Тобуруокап бэйэтин кэнниттэн ырыанньык бэйиэт быһыытынан Сэмэн Хапытыанабы көрөбүн диэн этиэ дуо? Кини хоһоонноругар барыта 100-тэн тахса ырыа айыллыбыта биллэр. Холобура, "Эн үүнүүй үйэ-саас сардаана" хоһоонугар аҕыс мелодист ырыа айбыта — бу кини хоһоонноро ис хоһоон, сүһүөх өттүнэн тупсаҕайдарын көрдөрөллөр. Үгүс мелодист кини хоһоонноругар ырыа тыла, ырыа музыката бэйэтэ айыллан тахсар диэн бэлиэтээн этэллэр. ©Вера ИВАНОВА #открываюмир #мойдень #мелодистар #сахалыыырыалар #семенкапитонов #поэт #дьорокүн #амма #сахасирэ
Кэрэ, нарын хоһооннордоох Амма поэта Семён Спиридонович Капитонов 75 сааһыгар аналлаах ырыа дьоро күнүгэр Амма, Уус-Алдан, Чурапчы, Мэҥэ-Хаҥалас, Орто Халыма улуустарыттан ырыа айааччылар Соморсун нэһилиэгэр Баһылай Харысхал аатынан норуот айымньытын сырдык уораҕайыгар өрөспүүбүлүкэтээҕи күөн күрэскэ түмүстүлэр. Семён Капитонов диэтилэр да харахпар Аммабыт хатыҥ чараҥнара, сардаана кэрэ сибэккитэ көстөн кэлэллэр. Амманы кини курдук истиҥ иэйиилээхтик хоһооҥҥо хоһуйбут, ырыаҕа ыллаппыт ким да суох. Саха норуодунай суруйааччыта Дмитрий Наумов эппитин курдук, Амманы таптыыр дьон баарын тухары Сэмэн хоһоонноро тыыннаахтар. Чахчыта да оннук. Биһиги, аммалар, дьолбутугар төрөөбүт улуу бэйиэппит диэн киэн туттан этэбит. Аҥардас Амма хатыҥ чараҥнарын, сардаана кэрэ сибэккитин туһунан хайдахтаах курдук улуу уобарастары, сүдү тэҥнэбиллэри айбытай? Ол да иһин доҕоро, биир дойдулааҕа Василий Федоров бэйиэт "Аналым — Кыыс Амма" диэн аан маҥнайгы кинигэтэ 1991 сыллаахха сүрэхтэнэр дьоро күнүгэр Семён Капитонов нарын лирикатын сөҕөн, махтайан ”Саха Есенина” диэн үрдүктүк ааттыа дуо? Оттон саха норуодунай поэта Петр Тобуруокап бэйэтин кэнниттэн ырыанньык бэйиэт быһыытынан Сэмэн Хапытыанабы көрөбүн диэн этиэ дуо? Кини хоһоонноругар барыта 100-тэн тахса ырыа айыллыбыта биллэр. Холобура, "Эн үүнүүй үйэ-саас сардаана" хоһоонугар аҕыс мелодист ырыа айбыта — бу кини хоһоонноро ис хоһоон, сүһүөх өттүнэн тупсаҕайдарын көрдөрөллөр. Үгүс мелодист кини хоһоонноругар ырыа тыла, ырыа музыката бэйэтэ айыллан тахсар диэн бэлиэтээн этэллэр. ©Вера ИВАНОВА #открываюмир #мойдень #мелодистар #сахалыыырыалар #семенкапитонов #поэт #дьорокүн #амма #сахасирэ